Faatino i le PayPal sailiga tupe mo Edwin; ina ua poloka mai e le ‘GoFundMe’

14 December 2019 : Supporters of anti-vaccination activist, Edwin Tamasese, have taken to PayPal for their fundraising campaign to assist with Mr Tamasese’s legal costs, after the  GoFundMe crowd-funding platform reportedly closed down the dollar-catching funnels on them. 

In a statement earlier this year, GoFundMe spokesman Bobby Whithorne, said: “Campaigns raising money to promote misinformation about vaccines violate GoFundMe’s terms of service and will be removed from the platform. We will constantly conduct a thorough review and will remove any campaigns currently on the platform.”

Edwin Tamasese has been released on bail since Tuesday 10 December, on the conditions that he is to refrain from commenting on social media on the measles outbreak, specifically of the nature that led to the  “incitement against the Government vaccination order[s] charges.

Tamasese was also required to surrender his passport and travel documents as well as signing  in on a weekly basis at the nearest police station.  In addition, he has also been forbidden from dispensing medication of any sort to anyone.  

District Court Judge, Leota Raymond Schuster adjourned the matter until Tuesday 17 December 2019, to allow time for the prosecution to review  the charges.

Faatino i le PayPal sailiga tupe mo Edwin; ina ua poloka mai e le ‘GoFundMe’

14 Tesema 2019 : O loo ua faalia pea le to’atele o nisi o se kulupu o loo faapea ona lagolagoina le susuga ia Edwin Tamasese, lea na toe tatalaina mai i tua ile aso Lua o le vaiaso nei, se’ia aulia le vaiaso fou ile aso 17 Tesema lea o le a toe tulai ai i luma o le Faamasinoga Faa-itumalo.

I nisi o molimau ma tusitusiga i luga o upega tafailagi a i latou o loo latou lagolagoina le mau a lenei alii, sa faalia ai lo latou taumafai lea ina ia faia se sailiga tupe, e fesoasoani ai i pili ma taualumaga o le faamasinoga o Edwin.

Peitai ane o le uluai taumafaiga a lenei kulupu e faatinoina la latou tusiga-igoa i luga ole auaunaga sue tupe a le GoFundMe, na le’i faamanuiaina ina ua tapunia ma poloka mai i latou.  Faalia e se sui o le auaunaga o le GoFundMe, e tumau lo latou taofi ma e latou te teena foi le faatinoina o ni sailiga seleni, o loo faagaga e fesoasoani ai i nisi e le taliaina le faia o tui puipui mo le saogalemu ma le faaitiitia o faama’i pepesi.

Fa’alia e se sui o lenei kulupu o loo latou lagolagoina Edwin, e ui oloo ua tapunia lo latou avanoa ile GoFundMe, ae ua mafai ona toe tuufaatasia la latou aisiga ma faatinoina i luga ole upega tafailagi o le PayPal.  O se auaunaga e faatinoina i luga o le initaneti ma faaogaina ai pepa tala tupe faaona po nei.

O loo ua molia Edwin e Leoleo i tuuaiga o lona taumafai lea ina ia fa’atupu se feteenaiga ma lagona le mautonu i faaiuga a matua o nisi o fanau iti, ina ia usitaia le poloaiga mai ile Malo, mo le faatinoina o tuiga o le misela, e pei ona tuuina mai ile vaiaso ua mavae. O loo ua tatala i tua le susuga ia Edwin se’ia aulia le vaiaso fou i lalo o tuutuuga, e pei ona faamanino i lana loia ia Fuimaono Sarona Ponifasio, ina ia saini ile Ofisa o Leoleo i vaiaso uma, ma ua taofia foi lona tusi folau, faatasi ai ma le poloaiga ina ia aua nei ona toe tuuina se fuala’au poo se vailaau o togafitiga i soo se tasi, e pei ona mafua ai le mataupu ua tuuaia ai o ia e Leoleo.

By : Hannah Sila

LOABAY NEWSLINE 

More from ALL FEATURED LOABAY SAMOA-PACIFC NEWSLINE

---