Tamaitai talavou e iai ona aafiaga tumau; faamauina o le isi o le to’a 70 ua maliliu i le misela

[Photo : file image]

A young woman with epilepsy from the village of Vaimoso, has been identified as one of the 70 fatalities, in the latest measles death toll recorded and published on Monday 9 December 2019 .

9 Tesema 2019 : E ui i se tulaga faagaeetia ua iai lagona o le atunuu ile 89% o le faitau aofa’i oi latou ua mae’a ona faia tui puipui o le misela i totonu o aso e 2 e pei ona tapunia ai galuega a le Malo faapea ma kamupani ma pisinisi tumaoti ile aso Tofi ma le aso Faraile o le vaiaso na te’a nei, ae o loo faalia pea e tusa ai o le Pepa o Faamatalaga lona #23 na maua ile aoauli o le aso Gafua 9 Tesema; ua faamauina ai e to’a 70 i latou ua maliliu i aafiaga o le misela.

E tusa lea e to’a 2 le au maliliu ua faaopoopoina talu mai le isi Pepa o Faamatalaga lona #22 na tuuina mai ile aso Sa 8 Tesema. O le to’a 2 ua maua ai le 70 o e maliliu ile misela e aofia ai se pepe ei le va o le 1 – 4 tausaga, faatasi ai ma se tamaitai talavou, e iai se tasi o gasegase tumau oloo aafia ai (epilepsy).

E tusa ai o ni faamatalaga na faaoo mai i le LOABAY NEWSLINE o lenei tamaitai, e i le va o le 20 – 29 tausaga le matua mai ile afioaga o Vaimoso.

Ae o nisi o fa’amaumauga a le Soifua o Maloloina, e pei ona tuuina mai ile Pepa o Faamatalaga lona 23 ile asō : e 4,693 gasegse ua a’afia i auga ole misela. Mai lea fuainumera e 112 i latou na fa’amauina i totonu ole 24 itula talu ai.

Ua fa’amauina e 159 ni gasegase ua a’afia ile misela olo’o taofia i totonu o maota gasegase eseese i totonu ole atunuu e aofia ai ma le 120 olo’o taofia ile falemai a le Tupua Tamasese Meaole i Moto’otua (TTMH), 3 i Poutasi, 2 i Lalomanu, 24 ile falemai fa’aitumalo a Leulumoega, 3 olo’o ile falemai a Malietoa Tanumafili II (MTIIH) 5 i Foailalo 1 Sataua ma le 1 i le falema’i faaitumalo Safotu. O lenei fuainumera e aofia ai fanau laiti e 16 ma tinā ma’i to e 2 olo’o taofia ile Potu Tigaina (ICU) ile falema’i i Moto’otua. Mo le silafia, e 1,477 i latou na taofia talu mai le amataga ole pipisi ole fa’ama’i o le misela. E o’o mai ile taimi nei, e 1,248 (84%) i latou ua togafitia ma te’a i tua.

By : Staff Writer

LOABAY NEWSLINE

Facebook Comments