Silia ma le $100,000 meaalofa taua’aoina e le Ekalesia Metotisi; togafitiga o le misela

A cash donation of more than $100,000 has been gifted by the Methodist Church congregation members in Samoa as well as American Samoa, Australia, New Zealand, Hawaii and the U.S. ; in addition to hospital beds and bed linen; as part of their contribution towards the fight against measles.

10 Tesema 2019 : E silia ma le $100,000 le tino i tupe faatasi ai ma foa’i o moega, aluga  ma tofaga poo nisi o tulaga o loo moomia mo le togafitiga o le faama’i oti o le misela na foai atu e le Ekalesia Metotisi, ile Matagaluega o le Soifua Maloloina i le aso Gafua nei.

O le afioga ile Minisita ole Matagaluega mo le Soifua Maloloina; Faimalotoa Kika Stowers-Ah Kau sa saunoa e fai ma sui o le Malo faapea le Matagaluega, e  tali fuaitau ile saunoaga a le susuga ile fofoga ole Ekalesia Metotisi, o le Failautusi Aoao foi lea, susuga ia Eteuati Tuioti.

Fa’aalia foi e le Fofoga o le Ekalesia i lana saunoaga, o lenei meaalofa e pei ona tauaaoina o se tuufaatasiga o se foai faapitoa na faatinoina e aulotu a le ekalesia o loo alala ma galulue i Samoa, Amerika Samoa, Ausetalia, Niu Sila, Hawaii ma Amerika ma na tuufaatasia i le vaiaso ua tuanai atu a’o le’i tuuina mai aloa’ia ile Malo aemaise o le Matagaluega o le Soifua Maloloina e fesoasoani ai i togafitiga o loo manaomia ona faatinoina mo le tineia o le misela.

Ua faalia ai le agaga faafetai  ole Malo ile Ekalesia Metotisi e tusa ai o lenei meaalofa tele faatasi ai foi ma le meaalofa e silia ma le $60,000 le tau aofai o moega ma isi fesoasoani, na tauaaoina ile masina ua mavae e le Ekalesia Mamoma (Aupaia mo aso e gata ai) mo le tau togafitia lava o lenei faamai oti o le misela.

By : Hannah Sila

LOABAY NEWSLINE 

 

More from ALL FEATURED LOABAY SAMOA-PACIFC NEWSLINE

---