Le auai Aniseko Vaelei e tali i lona moliaga; ona o aafiaga o le misela

Prisoner, Aniseko Vaelei, failed to appear in Court on Monday, as he is reportedly in isolation after contracting the measles virus.

9 Tesema 2019 : O le taeao o le aso Gafua nei na vala’auina ai le mataupu i le va o se tasi o alii pagota, Aniseko Vaelei ma Leoleo.

O lenei mataupu e aofia ai moliaga o le umia e Vaelei o fuala’au faasaina (mariuana) ile taimi na toe pueina ai e leoleo ma toe aumai i totonu mai ile solaaga a Vaelei ma se tasi o alii pagota i le masina o Oketopa o le tausaga nei.

E le i auai le alii o Aniseko Vaelei ile vala’auina o lana mataupu ile aso Gafua ona oloo ta’ua mai o loo faanofo esea na o ia i totonu o se tasi o potu ile falepuipui, ona o aafiaga o le misela, ma ua toe tolopo ai nei e le afioga i le alii Fa’amasino ia Leiataualesa Darryl Clarke; lenei mataupu mo le toe valaauina ile aso 13 Ianuari 2020.

E pei ona silafia, o Aniseko Vaelei, o se alii pagota lea na sola i tua ma le to’ese i le amataga o le tausaga ma fa’atino ai nisi o soligatulafono, lea e pei ona a’afia ai le o’o atu i le to’aono o tagata. E le gata i lena ae na toe sola foi i tua faatasi ma se isi o alii pagota ia Lauititi Tualima ile vaiaso lona 2 o Oketopa.

E 10 tausaga lea sa tu’uina atu e le afioga ile Faamasino ia Tafaoimalo Leilani Tuala-Warren e tuliina e Aniseko mai moliaga e 15 e pei ona fa’amaonia mo ia ma e fa’ato’a tuli pe a mae’a ona tuli lona fa’asalaga mai isi mau soligatulafono lava fa’apenei i le to’ese i le taimi nei.

By : Hannah Sila

LOABAY NEWSLINE

Post Views: 1,149