Taia le scooter a se tamaitai tausi soifua mai Kuiniselani; malaga mai e fesoasoani i tūiga o le misela

Lexy Carroll, a volunteer nurse from Queensland who is in Samoa to assist with the measles mass vaccination campaign, was knocked off  a scooter that she was riding by a passing taxi .  Ms Carroll suffered injuries from the incident and was admitted to the hospital  for treatment, shortly after  the incident which happened on Monday.  

28 Novema 2019 : O se va’aiga fa’anoanoa na fa’amatalaina e se tama’ita’i tausi soifua mai Kuiniselani lea o lo’o ofoina fua mai lona taimi e fesoasoani ai mo Samoa i mafatiaga o lo’o feagai ai i le fa’ama’i oti o le misela ina ua ia fa’amatalaina e le’i iai sona talitonuga e tupu lea tulaga ia te ia ona o ia o se tagata ua malaga so’o mai ma fesoasoani mo fa’alapotopotoga tuma’oti e pei o le To’omaga ma nisi o a’oga.

O Lexy Carroll sa a’afia i se fa’alavelave i se ta’avale na taia ai sana scooter na ia fa’aaogaina e faimalaga ai i luga o le auala, ma sa ia ta’ua e le’i tu le ta’avale la’upasese lea ina ua a’afia o ia ae na alu pea lea na ia fa’aalia, e le’o le Samoa lea na ia iloa mai le tele o tausaga e tele na galue muamua ai mo le atunu’u.

Na a’afia si nei tama’ita’i tausi soifua mai Kuinisilani i manu’aga i lona tino mai lenei fa’alavelave tau ta’avale i le Aso Gafua na se’i mavae atu nei, ma o lea ua malolo ai mai ana galuega fesoasoani se’ia mae’a togafitia ona manu’aga. O lo’o iai le fuafuaga a si nei tama’ita’i e toe malaga i lona atunu’u i le fa’ai’uga o le masina fou ona o lona agaga fia fesoasoani mo le mafatiaga lea ua iai nei Samoa aemaise o nai fanau iti ma pepe i le fa’ama’i oti o le misela.

Ua aumai ai sana fautuaga i ave ta’avale se’i alolofa e taumafai ona tausisia tulafono o auala tele ua mae’a fa’ata’atitia ma afai e afaina se tasi i se ta’avale e tatau lava ona tu le ave ta’avale e tu’uina atu se fesoasoani mana’omia mo le tagata ua a’afia ia te ia.

By : Marieta Heidi Ilalio 

LOABAY NEWSLINE 

More from ALL FEATURED LOABAY SAMOA-PACIFC NEWSLINE

---