Fa’amauina e 32 i latou ua maliliu ona o a’afiaga ole misela : Update #10

[Photo : image file]

TULAGA UA IAI LE PIPISI OLE FA’AMA’I OLE MISELA

26 Novema 2019 : Ua faamaonia mai i fa’amaumauga a le Soifua o Maloloina e 2,437 gasegse ua a’afia i auga ole misela e oo mai ilea so 25 Novema, 2019. Mai lea fuainumera e 243 i latou na fa’amauina i totonu ole 24 itula.

Ua fa’amauina e 32 i latou ua maliliu ona o a’afiaga ole misela.

U fa’amauina e 176 ni gasegase ua a’afia ile misela olo’o taofia i totonu o maota gasegase eseese i totonu ole atunuu e aofia ai ma le 146 olo’o taofia ile falemai a le Tupua Tamasese Meaole i Moto’otua (TTMH), 5 i Poutasi, 3 i Lalomanu, 11 ile falemai fa’aitumalo a Leulumoega, 2 oloó ile falemai a Malietoa Tanumafili II (MTIIH), 3 ile falemai faaitumalo a Foailalo, 2 i Sataua ma le 4 olo’o ile falema’i faaitumalo a Safotu.

Mo le silafia, e 766 i latou na taofia talu mai le amataga ole pipisi ole fa’ama’i o le misela. E o’o mai ile taimi nei, e 558 i latou ua togafitia ma te’a i tua.

Fa’amaumauga Fa’afuainumera

TULAGA UA O’O IAI LE TUI PUIPUI:

E 32,743 le aofaiga o tui puipui na fa’atinoina a’o le’i fa’agasolo le polokalame o tui puipui mo tagata uma ile taimi nei. O le vasega nei o tausaga ua mae’a ona faia tui puipui

6 masina-4 tausaga: 4,222
5-19 tausaga:14,145
20-39 tausaga:9,283
40-49 tausaga: 3,058
50+: 2,035

O le aso 20 Novema 2019, na fa’agaioi ai e le Matagaluega o Soifua Maloloina le faatinoina o lana Polokalame o Tui Puipui i nuu ma afioaga i tua. Ua fa’amauina e 24,000 ua mae’a ona fai tui puipui e tauala mai i lenei polokalame, i Upolu ma Savaii.