Tā le fa’ailo o le tugā ua iai le misela; ‘Faalavelave fa’afuasei, matuiā lona tula’i mai’

The proclamation of  Emergency for the measles epidemic in Samoa has  promulgated an immediate meeting of the National Disaster Advisory Committee.  The Committee which is made up of all Cabinet Ministers and Heads of all Government Ministries,  will strategise on an Action Plan and its implications, in resisting and ultimately controlling the spread of the measles virus.  An update is expected to be announced after the meeting on Saturday morning.   

O le aso Toonai 16 Novema 2019, i le 9.30am ua atofaina o le a faatino ai le fonotaga a le Komiti faufautua; National Disaster Advisory Comittee (NDAC) pei ona tofia e le Kapeneta, mo le ‘autalaina o la’asaga ma polokalame ua aga atu iai le Malo ma le Matagaluega o le Soifua Maloloina, ina ia fa’atinoina mo le taofiofia ma le togafitia o le sosolo ma le pepesi o le fa’amai o le misela i Samoa.

O le afiafi o le aso Faraile 15 Novema 2019, na fofogaina ai e le afioga i le Sui Palemia ma o ia foi o le Minisita o le Matagaluega o le Soifua Maloloina; Faimalotoa Kika Stowers, e tā le fa’ailo o le tulaga tugā ua iai le pipisi o le misela i Samoa; (Proclamation of State of Emergency) ma  ua alagatatau ai ona fa’aigoaina o le ‘Faalavelave Fa’afuase’i e le’i Fuafuaina le Matuiā o lona tula’i mai .

O le fa’ailo e pei ona fofogaina ile afiafi o le aso Faraile, ua avea lea ma ‘Faamaoniga o le Faaaliga Faasalalau o Faalavelave Tutupu Faafuasei’ mo le faama’i pipisi o le misela, e pei ona ulua’i faailoa le aafiaga ma lona tulaga pepesi i le 4 vaiaso talu ai, ile aso 16 Oketopa 2019.

O le fonotaga ua atofaina i le aso Toonai nei, o le a aofia ai Minisita, Ta’ita’i ma fa’auluuluga o  matagaluega uma a le Malo, faatasi ai ma le Ofisa e Faafoeina Falavelave Matuiā (Disaster Management Office – DMO). 

O tulaga ma tapenaga e ao ona faatinoina ma fa’amalosia auā lava le nofo puipuia mai le atili pepesi o le misela, faatasi ai ma ona aafiaga i e faimalaga atu i fafo atu o Samoa ma autova’a mai foi i Samoa mai atunuu mamao, o  le a toe faailoa atili mai mo le atunuu lautele pe a mae’a le fonotaga a le Disaster Advisory Committee ile aso Toonai nei.

By : Hannah Sila

LOABAY NEWSLINE 

 

 

 

More from ALL FEATURED LOABAY SAMOA-PACIFC NEWSLINE

---