Talosaga Taualai e toe sui lana tali ‘ioe’ ile te’ena o lona moliaga

Taualai Leiloa [Photo : image file]

Aso Faraile 1 Novema 2019

Taualai Leiloa, one of the key prosecution witnesses in the PM conspiracy case has requested through his lawyer, Sarona Ponifasio, to vacate his guilty plea. When questioned by Acting Chief Justice Vui Nelson to provide reasons for the change of plea ; Counsel Ponifasio explained at Court that one of the reasons is that there are some issues with the summary of facts and plus her client did not have legal representation at the time. Matter is deferred until 8 November 2019, for a proper application to be filed by Leiloa’s lawyer.

O le taeao nei lea na toe fofogaina ai le mata’upu fa’asaga ia Taualai Leiloa i se fa’asalaga a le Fa’amasinoga Maualuga mo ia e ala i le moliaga e tasi o le taupulepule e fa’ao’o le oti i le afioga i le alii Palemia.

Peita’i ina ua fofogaina i luma o lana afioga i le Sui Fa’amasino Sili ia Vui Clarence Nelson lenei mata’upu na toe fa’aui atu ai le suia o le tali a Taualai mai le ioeina o lenei moliaga i lona te’enaina e tauala atu i lana loia, le tama’ita’i ia Sarona Ponifasio.

E pei ona silafia e le ‘au fa’afofoga ma le au faitau a le tatou alaleo ma le ‘au faafofoga, o Taualai lea e to’atolu ai i latou lea o lo’o molia i le moliaga lava lea e tasi o le taupulepule e fa’ao’o le oti i le Ta’ita’i o le atunu’u ae o lo’o tau sailia pea se auala e aumaia ai le alii lona fa mai Ausetalia lea o lo’o tu’ua’ia i lona fa’ata’atia atoa o fuafuaga o lenei taupulepulega e pei ona faia i le Aso Sa tonu o Tama o le tausaga nei.

O le aso 8 o le masina lenei o Novema lea ua toe tolopo ai lenei mata’upu e le afioga ia Vui e tu’uina atu ai le avanoa i le tama’ita’i loia ia Sarona e tu’uina atu ai fa’amatalaga uma o le mafua’aga o le suia o le tali a Taualai mai le ioeina o lona moliaga i lona te’enaina o lenei moliaga.

Ina ua fesiligia e Vui ia Sarona i totonu o le Fa’amasinoga i le taeao analeila pe aisea ua mana’o ai ia Taualai e suia lana tali, ae fa’aalia e Sarona ua mafua ona e iai vaega o le tolaulauga a leoleo o lo’o te’ena e Taualai atoa ai ma le fa’aalia e Taualai na mafua ona ia ioeina lona moliaga i le taimi na fa’ato’a vala’auina ai lana mata’upu ona e leai se loia na tula’i mo ia.

O le aso 22 o le masina lenei o Novema lea ua tu’uina atu iai le iloiloga mo le tatalaina i tua o Lema’i Faioso Sione ma Malele Paulo e pei ona molia fa’atasi ma Taualai i le moliaga lava lenei e tasi.

By : Marieta Heidi Ilalio

LOABAY NEWSLINE