Ioeina e se tamā 61 tausaga; moliaga o le fai’aiga fa’amalosi ma le pule le uma

In a statement conveyed to Court through his Counsel, a 61-year old grandfather; pleaded  guilty to  9 charges .  Eight of the charges relate to incest; sexual connections with a close family member;  in addition to one charge of rape.   Sentencing has been deferred till February 2020. 

O le taeao ole aso Lulu  lea na tula’i ai se tama matua e suafa ia Fuimaono Tanielu, e 61 tausaga le matua i luma o le Fa’amasinoga Maualuga e tu’uina atu lana talosaga e tauala atu i lana loia, e suia ai lana tali mai lona te’enaina o moliaga e iva fa’asaga ia te ia i le “ioe”.

O nei moliaga e iva e aofia ai le tasi o le moliaga o le fai’aiga fai fa’amalosi ma le 8 o moliaga o le pule le uma e pei ona molia ai e le itu a Leoleo.

E pei ona silafia i le taimi na fa’ato’a molia ai Fuimaono na ia te’enaina uma nei moliaga i luma o le Fa’amasinoga i le amataga o le tausaga, peita’i o lea ua toe fa’aui atu le suia o lana tali i lona ioeina o nei moliaga.

Ua fa’atulaga mai e le Faamasinoga o le aso 22 o le masina o Fepuari o le tausaga fou lea o le a tu’uina atu ai se fa’asalaga a le Fa’amasinoga Maualuga i le Tama lenei. I tolaulauga o lenei mata’upu o lo’o fa’aalia ai le faia e Fuimaono o se faiga’aiga fai fa’amalosi ma se teineititi e i lalo o le 16 tausaga le matua aemaise o lona faia iai o ni uiga mataga lea e fa’apea e fa’avalu ona ia fa’atinoina.

O lenei mata’upu na fofogaina i luma o lana afioga i le Tama’ita’i Fa’amasino ia Tafaoimalo Leilani Tuala Warren.

By : Marieta Heidi Ilalio

LOABAY NEWSLINE 

More from ALL FEATURED LOABAY SAMOA-PACIFC NEWSLINE

---