Oti faafoliga ‘Vivian’ ina ua to’atele tagata latou se su’eina i tuua’iga ole taufa’avalea

Transvestite ‘Vivian’ allegedly faked his own death, after  swindling a handful of families with the false promises of co-ordinating  and delivering overseas travel documents (Visa) for their family members to travel to NZ.    Vivian had also been jailed twice previously, for obtaining funds by deception.  

O lo’o ua vevesi fa’amatalaga i luga o upega tafaiilagi i se tasi o fa’afafine e suafa ia Viliamu Tuigamala po’o Vivian i lona igoa fa’afafine ua iloa ai e le to’atele, ina ua nofo ma fa’afoliga o se tagata ua oti e fa’apea na pule lava o ia i lona ola.

O Viliamu o se tasi o fa’afafine ua fa’alua ona falepuipui i moliaga o le gaoi ma le taufa’avalea a’o lea o lo’o ua tu’ua’ia foi le mafatia ai o nisi o tagata ona o ana faiga taufa’avalea e pei ona fa’aalia i tusitusiga i luga o le Facebook.

O nei faiga o lo’o ta’ua ai na fa’ailoa e Viliamu i nei tagata na a’afia e mafai ona ia faia a latou visa e malaga ai mo Niu Sila peita’i e o’o atu i taimi e faimalaga ai e leai ma ni Visa o faia pe apalaiina foi.

O lo’o fa’atalia ni tagi a nei tagata i le Ofisa o Leoleo fa’asaga i lenei fa’afafine e pei ona tu’ua’ia foi i lo la fa’aaogaina ma se isi foi fa’afafine o se ta’avale rent mai le DAT Car Rental ae uma tiai i autafa o le faleoloa o Farmer Joe ae sosola.

O le taimi nei o lo’o tau sailia e tagata o lo’o mafatia i faiga taufa’avalea a Viliamu ia lenei fa’afafine ona o le tele o seleni ua gau ai i le se’etia ona o fa’amatalaga na fai atu ia i latou e ala i visa malaga.

E le’o mafai ona fa’amaonia mai e Leoleo i le taimi nei pe ua iai se tasi o tagata na a’afia ua tagi fa’asaga ia Viliamu.

Peitai o se ata lea o lo’o lauvivilu ai luga o le Facebook ona o se uluai tagata lea i Samoa ua mafai ona faia lea tulaga o le pu’e o lona ata pei e foliga ua oti ma ia fa’apea ai tagata na a’afia ua maliu ia aua ai ne’i su’eina e ala i ana faiga taufa’avalea na fa’atinoina.

By : Marieta Heidi Ilalio 

LOABAY NEWSLINE

More from ALL FEATURED LOABAY SAMOA-PACIFC NEWSLINE

---