Maliu se tamā i se faalavelave tau ta’avale; ao agai atu e pu’e le vaa usu mo Savaii

Car wreckage; scene of accident [Photo : supplied]

Aso Tofi 24 Oketopa 2019

Vehicle accident on Wednesday morning claimed the life of a middle-aged man and left several injured; whilst traveling to catch the morning ferry to Savaii

O lo’o feagai nei se aiga ma mafatiaga ona o se tasi o fa’alavelave tau ta’avale lea na tula’i mai i le taeao ole aso Lulu, e pei ona maliu ai se tama e 50 ma ona tupu tausaga le matua aemaise o le fa’amanu’alia ai o nisi o lona aiga, o ni alii se to’atolu.

O lenei fa’alavelave e tusa o tusitusiga a se tasi o tama’ita’i o lenei aiga o lo’o fa’aalia ai lona fa’anoanoaga ona na alu ai i le ta’avale i le taimi na tupu ai le fa’alavelave ma e le’o se fa’alavelave na fuafuaina e tula’i mai a’o o latou malaga atu e tuli le va’a usu mo Savaii i le taeao lava lea, ae lavea ai la latou ta’avale.

Ua fa’amauina ai o lo’o alualu pea i luga fa’alavelave tau ta’avale e ma’umau ai soifua o tagata o le atunu’u ma o lea ua toe aumai ai fautuaga mai le Matagaluega o Leoleo i le mamalu o ave ta’avale ina ia tautuana ia mataala i luga o ala tetele ina ia fo’ia ai fa’afitauli o fa’alavelave e ma’umau ai soifua i luga o le alatele.

By : Marieta Heidi Ilalio

LOABAY NEWSLINE