Talosagaina se poloaiga mai le Faamasinoga; e se tinā oloo molia; faao’o manua tugā

[Photo : image file]

Aso Lua 22 Oketopa 2019

An application for a protective order received from a woman who is awaiting trial for allegedly pouring scathing hot water on her husband; is currently being reviewed by the District Court

O le aso ananafi lea na tula’i ai se tina talavou i luma o le Fa’amasinoga Fa’aitumalo e iloiloina ai sana talosaga i se poloa’iga a le Fa’amasinoga, e le mafai ai ona toe latalata atu lona to’alua ia te ia ma lana fanau.

O le tina lenei mo le silafia, o lo’o molia i moliaga o le fa’ao’omanu’a tuga ma o le Aso Gafua o le vaiaso fou lea e fuafua e tula’i ai i luma o le Fa’amasinoga Maualuga.

O lo’o tu’ua’ia o ia i lona fa’aaogaina o se vaivela e fa’ao’o ai manu’aga i lona to’alua e pei ona a’afia i nei gaioiga ma mu atoa ai le tele o vaega o lona tino ona o le vaivela.

O lenei fa’alavelave na maua ai e Tala Mai Samoa ni ata na tapu’eina o manu’aga o si nei alii na a’afia i le vaivela ma o lo’o tu’ua’ia e mafua mai ona ua masalosalo le tina o lo’o molia ua iai se fa’anunumi a lona to’alua ma se tama’ita’i o le fale faigaluega o lo’o faigaluega ai lona to’alua.

O le taimi nei o lo’o tau fa’amae’a su’esu’ega a Leoleo i lenei mata’upu ma fofogaina i luma o le Fa’amasinoga Maualuga i le vaiaso fou.

E le’o le taimi muamua lea ua tula’i mai ai ni fa’alavelave fa’apenei e tu’ua’ia ai tina e ala i le fa’ao’oina o manu’aga i o latou taito’alua e fa’aaogaina ai vaivevela, e pei foi ona a’afia uma ai foliga o se tasi o Tama mai Vaiusu i le tausaga ua te’a e pei ona vaivela foi e lona to’alua ona o masalomiaga foi i se fa’anunumi.

By : Marieta Heidi Ilalio

LOABAY NEWSLINE

Facebook Comments