‘E 13 manu’aga na maua i le tino o Justina Sa’u’ : Molimau a le fomai faapitoa

Photo : [file images]

Aso Faraile 4 Oketopa 2019

In his autopsy report shared at Court, pathologist, Dr Paul Butterill referred to the 13 abrasions discovered on Sau’s body as “extremely uncommon” in a ‘suicidal death’.

O le taeao nei lea na fa’aauauina ai molimau mo le iloiloga o le mata’upu fa’asaga ia Kolani Junior Lam e pei ona tu’ua’ia e le itu a leoleo i le fasiotia o lona to’alua ia Sa’u Justina Sa’u i le masina o Oketopa o le tausaga ua mavae.

O le molimau o le taeao atoa analeila o le alii foma’i fa’apitoa (pathologist) e suafa ia Dr Paul Butterill, o se alii foma’i ua silia ma le 25 tausaga o ia faatautaia ta’otoga mo maliu fa’apea e pei ona iai le maliu o le afioga ia Sa’u.

O lenei alii foma’i e mai Kuiniselani i Ausetalia lea na ia fa’amatala auiliili i luma o le Fa’amasinoga Maualuga i le taeao nei ia manu’aga e o’o atu i le 13 na maua i le tino o Sa’u i le taimi o lona ta’otoga. O le tele o nei manu’aga na fa’aalia e Dr Butterill e fa’apea, e tele lava i le ua, o le fa’a’i, o totonu o le gutu, totonu o vaega o le ua atoa ma isi manu’aga i le fatafata ma tualima fa’apea ai ma vae.

E fitu manu’aga i totonu o le tino o Sa’u, 2 manu’aga i luga o vaega o ona foliga fa’apea ai ma manu’aga e fa isi vaega o lona tino. O nei manu’aga uma na fa’ailoa e Dr Butterill talu ona ia ta’otoina manu’aga o tagata e tu’ua’ia e sisi o latou ua (se’i tulou) fa’ato’a ia va’ai lava lea i se mata’upu ua fai si tele o manu’aga ma o se tulaga e se a se a tupu (extremely uncommon).

Na fa’asino uma e Dr Butterill i se fa’atagata ia vaega uma o manu’aga e pei ona ta’ua na ia iloa i le tino o Sa’u ina ua mae’a le ta’otoga fa’apitoa i le masina o Novema i lona aso 2 o le tausaga ua te’a. I lenei mata’upu na fesiligia ai e le loia a Kolani ia Komiti Koria ia le foma’i fa’apitoa lenei pe e iai se avanoa e mafai ai ona o’o ni manu’aga fa’apea i se ua o se tagata pe afai na faia iai se fesoasoani muamua (CPR) lea na tali le foma’i e leai e ala ona mafua nei manu’aga a le’o se manoa po’o alatoto ua papa e mafua mai ona o le natura o le mafua’aga o le maliu o lea tagata.

O le vaiaso fou lea ua fuafua e toe amatalia ai molimau o lenei mata’upu ma o le a molimau ai le tama’ita’i tausi tama lea o lo’o avea ma molimau autu a le itu a leoleo, lea na iai tonu i le vaveao na tula’i mai ai lenei fa’alavelave i Sinamoga.

By : Marieta Heidi Ilalio

LOABAY NEWSLINE