Faailoa le ta’iala mo maliu aumai i atunuu i fafo mo le lagomau ai i Samoa

aso Lulu 28 Aukuso 2019

English version of the release :  MPMC announces policy on repatriation of human remains.

Sa faatalanoaina i se fonotaga i le aso le mataupu faatatau i le auina mai lea o tino maliu, o ponaivi faapea lefulefu (tulou) o i latou ua maliliu i fafo mo le teuina  i totonu o Samoa.

O lea faatalanoaga sa faia lea i le ofisa o le Matagaluega a lePalemia ma le Kapeneta i le maota o Mataafa Fiame Faumuina Mulinuu 2 i le Eleelefou. O le auga o le faatalanoaga o se taiala ina ia mulimuli tai ai matagaluega o loo aafia I le faagaioiina o tulaga o le auina mai o nei tino maliu I le atunuu, e pei o le matagaluega o le soifua maloloina, o le matagaluega a le Palemia ma le Kapeneta, o le ofisa o le va I fafo, o le Matagaluega o Faatoaga e ala I le vaega o le faasu, ma le vaega o le Tiute I lalo o le Matagaluega o Tupe maua.

Talu ai le taugata tele o le faagaioiga o nei tulaga, ua avea ai ma avega mamafa i nisi nei o matagaluega, ua manatu ai ua tatau ona iai se tau e totogiina atu i le matagaluega o le palemia ma le kapeneta i Samoa nei, poo le ofisa foi o le malo mo ana galuega faamisiona i atunuu mamao. O le taimi nei e le’o iai se totogi o lo’o fa’atino ai lea auaunaga i ofisa nei o galuega faamisiona, pei o ofisa o amepasa ma konesula o Samoa I isi atunuu, ma o lea faiga ua tele ai le avega a lo tatou malo e ala I totogi o ia auaunaga.

O ripoti o loo fa’aalia ai e tusa lava ma le 40 mataupu o loo fa’atoai atu talosaga ma talia, o tino maliu ma isi tulaga e auina mai I Samoa i totonu o le tausaga e tasi. O lona uiga o le faitau aofai la o ia ituaiga mataupu mo le lima tausaga ua tuanai atu, e tusa lea ma le 200, ma o nei talosaga uma e mai tagatanu’u o Samoa o lo’o alalala i fafo.

E leai se tulaga tau tulafono fa’a upufai o loo aiai ai se vaega o nei auaunaga ina ia fa’afaigofie ai mo le lumanai, peitai la o lenei taiala sa talanoaina i le aso e fa’aono o’o atu ai, ina saofaga ai se tulafono fa’avae mo mataupu faapenei. O nisi o fa’afitauli o lo’o feagai ua alaga tatau ai se taiala… e iai le Faatuai ona faatino galuega ona o le tuai ona tuuina atu o pepa e faagaioi ai Umi ona faatali le faagaioiga ona o taiala tuai o loo faaogaina I le taimi nei O tulaga e mafai ai ona faamalieina matagaluega e pei o le matagaluega o le Palemia ma le Kapeneta faapea le Soifuamaloloina .

Leai ni tulaga aloaia o faagaioiga a le Ofisa o Faaasu ma le tiute, o galuega tau ofisa o lo’o faia fua e le ofisa o galuega faamisiona a Samoa i atunuu mamao .

O le tulaga e mafai ona tanu ai, o se maliu i Samoa Ma le taumafaiga e tuuina atu lea o se totogi (fee) mo ia auaunaga .  O le taimi nei o loo iai faatulagaga a le Matagaluega o le Soifua maloloina I le auina mai, ma le taunuu ai foi ose maliu I le malaevaalele I Faleolo

1. e tatau I le aiga o le ua maliu ona tuuina atu se talosaga I le ofisa o le amepasa poo le ofisa o le va I fafo, agai lea mo le ofisa sili o pulega o le soifua maloloina ina ia iai se faatagaga e iloilo ai ma faamautinoa ai pepa nei Tusi o le mafuaaga o le maliu O le pepa mo se fale maliu .

O le pepa mai se falemaliu sa faaliuefuefu ai se maliu, o  le pepa o le resitala o le maliu, o le ripoti o le pule o maliu.   O le a iloiloina e le matagaluega o le soifua maloloina ia pepa uma I le taunuu ai o se maliu I soo se malaevaalele poo uafu foi.   E logoina foi le vaega o le faasu pe a fai o le a taunuu mai se maliu o aumai faatasi ai ni fuaglaau, ietoga poo ni siapo ma isi tulaga faapena.

E ao ona faailoa i le vaega o Faasu le mafuaaga o le maliu pe afai o se faamai mai manu ua aafia ai le tagata O le a faatino foi le galuega a le ofisa o tiute I le taunuu mai ai o le maliu.

O feutagaiga e faia lea ma fale maliu o le a teuina ia tino maliu, lefulefu, poo ponaivi foi (tulou).

English version of the release :  MPMC announces policy on repatriation of human remains.

Tuufa’atasia e : Maina Misa Fomai Papalii-Vai  mai ile Pepa o Faamatalaga (Press Release from MPMC)

LOABAY NEWSLINE 

 

More from ALL FEATURED LOABAY SAMOA-PACIFC NEWSLINE

---