Faatinoina fa’alauiloa mo le suiga i le Tulafono o Faigapalota

Aso Gafua 13 Me 2019

E taua lou malamalama i tulafono o lo’o lima taitaina ai faigapalota, aemaise lava pe afai ua iai ni suiga mai tausaga ua mavae ma faiga filifiliga o aso nei. O le taumafaiga lea o lo’o feagai nei ma le Ofisa o le Komesina o Faigapalota.

[Kiliki/oomi le ata o loo i lalo e maimoa ai ile faatalanoaga ma se tasi o sui sinia mai ile Ofisa o Faigapalota i luga ole Loabay You Tube Channel]

O le galuega  ia faalauiloa tulafono fou ma suiga tetele ua iai nei mo le faatautaia o faigapalota. Ua ta’ua o nei lava suiga ua mafua ona o faafitauli  na tutupu i faigapalota ua tuanai, o le sini autu ia silafia uma e le atunuu nei suiga fou ma malamalama iai aua le faiga filifiliga o loo lumana’i ai nei.

O le amataga o le vaiaso na te’a nei  na o’o atu ai lea taumafaiga a le Ofisa i le itumalo o Aana Alofi Numera 1 Sisifo, ma na molimauina ai fo’i le tele o fesili mai lea itumalo i le tulaga o suiga nei.

E aofia ai i suiga o loo taumafai le ofisa e momoli i le mamalu o le atunuu, agavaa e resitala ma palota ai, faapea ai fo’i  suiga i itumalo palota.

Na taua ina ua maea le tele o faiga palota ua mavae atu, sa lei malolo ai le ofisa e ala lea i le sailia o itu uma o lo’o lape ai le faatinoga o le palota, ma filifilia ai se komisi suesue latou te iloiloina faafitauli ma mea na tulai mai i ia faiga palota, ma tuuina atu ai fautuaga i le malo, lea ua mafua ai le suiga i le tulafono.

O loo fa’agasolo pea la lea galuega a le ofisa o le komesina o faigapalota i totonu o afioaga i Upolu i le taimi nei, a maea ona o’o atu lea o le faasologa i le motu tele i Salafai.

O se tasi o itu na maitauina i le fa’alauiloa ua faagasolo nei,  ole tulaga lea i tulafono lava o faigapalota ua leva tausaga o iai, e le’o malamalama lava iai isi.  O lona uiga e le’o faataua le tulaga o fa’alauiloa nei a le Matagaluega, ina ia mautinoa e le toe iai ni faasea mulimuli ane ai, ma tele ai tu’uaiga e faasaga atu i le Ofisa.

By : Maina Misa Fomai Papalii-Vai

LOABAY NEWSLINE 

 

More from ALL FEATURED LOABAY SAMOA-PACIFC NEWSLINE

---